Zafar Xolmurodov “Nasaf” o'rinbosarlarini boshqaradi

Xabaringiz bor, “Nasaf” o'rinbosarlari joriy mavsumda Yoshlar ligasi bahslarini muvaffaqiyatsiz boshlashdi. Jamoa o'tgan 5 tur davomida atigi bitta g'alabaga erishib, ayni paytda turnir jadvalining o'ziga xos bo'lmagan 9-pog'onani egallab turibdi. Natijada 2013 yilgi mavsum boshidan buyon o'rinbosarlar jamoasini boshqarib kelgan Bahodir Annamatov o'rniga Zafar Xolmurodov o'rinbosarlar jamoasiga katta murabbiylik qiladi.

Futbolchilik faoliyati davomida “Nasaf” tarkibida 181 ta golga mualliflik qilgan shahrisabzlik Zafar Xolmurodov 2013 yildan buyon “Nasaf” murabbiylar shtabida faoliyat yuritib kelayotgan edi.