Yuriy Rijko: "Namanganlik muxlislar - bu alohida mavzu"

- Sergey Krot Namanganda o'ynaganida stadionga 40 ming odam kelishi va bazida maydonga toshlar otilgani haqida aytib bergandi.
- Buncha odam eski 35 minglik stadionga kelardi. Hozir stadionimiz yangi, rekonstrukciya qilindi. Sig'im ikki baravar kamaydi, lekin stadion ancha zamonaviylashdi. Infrastruktura borasida O'zbekiston futboli juda tezkorlik bilan rivojlanib bormoqda. Unga qiziqish juda katta, ayniqsa kichik shaharlarda. Toshkentda esa xuddi Minskdagi kabi tomoshabinlar kam. U erda boshqa ko'ngilochar joylar ko'p. Namanganlik muxlislar - bu alohida mavzu. Masalan, "Paxtakor" bilan o'ynadik. 0:0, 94-daqiqada men penalti "ishladim". Mag'lub bo'ldik, hakam maydonni tark etayotganda unga qarata har xil buyumlar uloqtirildi. Stadionga kirishda muxlislardan katta narsalar olib qo'yiladi va ichariga olib kirish mumkin emas. Hakamga mobil telefonlari otilganini ko'rdim, odamlarga qoyil qoldim. Namangandagi muxlislar eng qiziqqonlari. Ko'chada yurish qiyin, barcha kelib dastxat so'raydi, gaplashishni xohlaydi. Bazida oshga taklif qilishadi, rad qilib bo'lmaydi, axir SHarq nozik masala.

- Fanatlar ham bormi?
- Yo'q. Tribunaga deyarli hech nima olib kirish mumkin emas. Agar muxlislarga qo'yib bersa har bir uchrashuvda janjal bo'lishi mumkin. Hozir ancha bosilib qolishganini aytishdi. 10 yil oldin bazi o'yinlardan so'ng muxlislarni stadiondan to'g'ri shifoxonaga olib ketishar ekan. Ayniqsa derbi bo'lsa. Namangan Farg'ona vodiysida joylashgan, u erda yana ikkita klub bor - "Neftchi" Farg'ona va "Andijon". Qanday o'rinni olishdan qatiy nazar bu raqiblarni mag'lub etish shart. Muxlislar uchun mavsum uchun eng asosiy maqsad aynan shu.