Yuriy Lukin: "O'yin yaxshi bo'ldi, natija xafa qildi"

"Bugungi bahs qiziqarli va shiddatli tarzda kechdi. Ammo natijaga qarab bunday deb bo'lmaydi. Tezkor gol bizga aks tasir qildi. Yigitlarim oxirigacha kurashishdi, biroq raqibning klassi bizdan ustunligini ko'rsatdi. "Paxtakor" bejizga peshqadamlar safida bormayapti. Ularning tarkibida bir necha yillardan buyon oliy ligada o'ynab kelayotgan qobiliyatli yoshlar bor", - deb gap boshladi Lukin.

- Jarohat olgan darvozabon Erkin Jabborov qachon safga qaytadi?
- U taxminan sentyabr oyi oxirlarida maydonga tushishga tayyor bo'lsa kerak.

- Navbatdagi turda "Neftchi" bilan o'ynaysizlar. Bugun Farg'ona klubi g'alaba qozondi...
- Kuchli raqib. Yozda ushbu jamoaga yangi futbolchilar keldi. Muhit ancha yaxshilangani bilinib turibdi. Farg'onaliklar so'nggi yillarda bizga anchayin noqulay raqib bo'lishmoqda.