Yerri Mina:”Har kuni mashg'ulotlarda 50 evro yo'qotardim”

“Men yomon narsalar haqida o'ylardim. Hammasi men uchun tugadi, deb o'ylay boshladim. SHu darajada yomon ahvolga tushib qolgandimki, Koutino va Paulino menga yordam berishga intilishdi. Meni tinchlantirib, hammasi joyida bo'lishini tushuntira olishdi.  

Tushunaman: mening poziciyamda ajoyib futbolchilari to'p tepishadi. Ammo men barchani hayratda qoldirish uchun bir daqiqa bo'lsada maydonga tushmoqchi edim, biroq bu narsa sodir bo'lmadi.

Jamoaga kelganimda Messi va Suares bilan birgalikda yaxshi muhitni yaratishga urindik. Mashg'ulotlarda kim jarima to'pini yaxshi ijro etishi borasida bahslashardik. Har kuni mashg'ulotlarda 50 evro yutqazardim.

Albatta, ular betakror futbolchilar. Jarima zarbasini darvozaning o'zlari istagan nuqtasiga istalgandek yo'naltira olishadi. Ular buyuk futbolchilar.

Oldinda meni nima kutayotganini bilmayman, ammo xotirjamman. 23 yoshdaman va hali ancha vaqt maydonda to'p tepaman”, deydi Mina.