Xose Mariya Mendez: "Maqsadimiz yosh futzalchilarni topib ularga yordam berish"

Kecha chempionat chorak final o'yinlaridan so'ng biz murabbiyning fikrlari bilan qiziqdik.

- Bugungi o'yinlardan so'ng terma jamoaga yangi nomzodlarni ko'rdingizmi?
- Albatta, yangi futbolchilarni ko'rdim. Barchasini yaxshilab kuzatib boramiz va chempionat tugagach ularni terma jamoa yig'inida sinovdan o'tkazamiz.

- Terma jamoa qachon yig'iladi?
- CHempionat tugaganidan so'ng bir hafta dam beriladi. Hozircha aniq sanalar yo'q. Barchasi shu kunlarda malum bo'ladi.

- Ayni paytda "Ardus" klubida maslahatchi murabbiy sifatida ishlayapsiz. Sizning vazifangiz nimadan iborat?
- Asosiy termaning mashg'ulotlari chempionat tugaganidan so'ng boshlanadi. 3 oy vaqt bor. SHu bois hozir o'yinlarni kuzatayapman. Maqsadim "Ardus"ning yosh futbolchilarni kuzatish va ularni topib yordam berish. Keyingi oyda Toshkentdan tashqarida yosh va yangi futzalchilar bilan yig'in o'tkazishni rejalashtirganmiz. O'zbekiston U20 jamoasiga nomzodlarni saralab olish ishlari ham olib borilmoqda.


Tolibjon Qosimov suhbatlashdi