Xoland zaxiraga olingani haqida: “Pepga geksa-trik qilishni xohlaganimni aytdim”

22 yoshli norvaegiyalik o'yindan keyin hissiyotlari bilan o'rtoqlashdi.

“Yorqin kecha. Birinchidan, bu musobaqada o'ynayotganimdan faxrlanaman, uni yoqtiraman. Beshta gol! 7:0 hisobida g'alabaga erishish – qoyilmaqom ish".

- Beshta goldan qaysi biri sizga ko'proq yoqdi?

- Menda hammasi tuman kabi. Qanday zarba berganimni eslayman, ammo nima o'ylaganimni eslay olmayman. Gollarni nishonlashdan charchab qoldim.

Mening super jihatim – gollar urish. Rostini aytishim kerakmi? Bugun juda ko'p gol bo'ldi. Buni uncha o'ylamadim – shunchaki, to'pni darvozaga yo'llashga harakat qildim. Gap tezkor qaror chiqarish va darvozabonning bo'sh nuqtasiga to'pni yuborishga harakat qilish haqida.

- “Man Siti”ning o'yin rejasi qanday edi?

- Kecha pressing ustida ko'p ishladik. Ayniqsa, o'z maydonimizda ko'p yugurishimiz va pressing qilishimiz talab qilinadi. To'pni qaytarib olishni yaxshi o'zlashtirganmiz, buni tez-tez amalga oshirishimiz lozim. Ko'proq pressing qilishimiz mumkin va bu yigitlarga o'ynash uchun ko'proq joy yuzaga keladi.

O'tgan mavsumdan farqli ravishda “Siti” bu mavsum “toza” forvard bilan o'ynamoqda va jamoa o'yiniga shuni olib kirishiga intilmoqdaman.

- Pep Gvardiola beshinchi goldan keyin sizni almashtirdi...

- Unga dubl xet-trik (geksa-trik – o'yinda davomida 6 ta gol) qilishni xohlaganimni aytdim, ammo na chora, nima qila olardim, deya savollarga javob qaytardi Xoland.