"worldreferee.com" hakamlarga qanday ball qo'yadi?

Saytda hakamlarga bahoni muxlislar qo'yadi. Bu saytda har kim ro'yxatdan o'tishi va hakamlar boshqargan (o'zi ko'rgan va ko'rmagan) o'yinlarga 10 ballik tizimda baho qo'yishi mumkin. Bitta hakamga berilgan ballning yig'indisi, ovoz bergan o'quvchi soniga bo'linib, o'rtacha ball chiqariladi.

Buni istagan o'zbekistonlik o'quvchi amalga oshirishi mumkin. Bu sayt FIFA tomonidan tan olinmagan. Masalan, Argentina - Eron uchrashuvidagi bitta epizod uchun, eronlik o'quvchilar Mazichga 2 baho qo'yib yotishibdi. Eronda bu borada qanday tajriba borligini hammamiz bilamiz. Yodingizda bo'lsa, 2011 yilning eng yaxshi goliga Geynrix va eronlik futbolchi davogarlik qilayotgandi. OFK saytida o'tgan so'rovnomada, bir kun ichida, eronlik foydalanuvchilar, 1 o'rin katta farq bilan raqiblarini ortda qoldirgan Geynrixni bir necha soat ichida ortda qoldirib yuborgan edilar.

SHunday ekan, bu saytda hamyurtimiz Ravshan Ermatovni ballari yuqorilab ketsa ham, pasayib ketsa ham, buning FIFAga hech qanday ahamiyati yo'q.

Nodirxo'ja Yuldashev