“Vodiy futboli”. “Qo'qon-1912” - “Neftchi” o'yiniga chiptalar sotuvga chiqdi

“Qo'qon-1912”: “Neftchi” bilan o'yinga chiptalar sotuvga chiqdi
Qo'qonliklar oliy liga 13-turida “Neftchi”ni qabul qiladi.

Bugundan ana shu uchrashuv chiptalari sotuvga chiqarildi. CHiptalar odatdagidek ikki xil narxda sotilmoqda, 5000 va 10000 so'mdan. O'yin 19 iyun kuni 18:00 da boshlanadi.

“Neftchi”: Jamoa Qo'qonga o'yin kuni boradi

Farg'onaning “Neftchi” jamoasi oliy liga 13-turida “Qo'qon-1912” mehmoni bo'ladi. Jamoa kecha ertalab mashg'ulot o'tkazdi, o'yinoldi mashg'ulot esa ertaga ertalab bo'lib o'tadi. Asosiy jamoa Qo'qonga o'yin kuni boradi.

Farg'onadan taxminan 3 ming nafar muxlis borishi mo'ljallangan.

“Navbahor”: Namanganning "Navbahor" klubi yoshlari bugun 13-tur o'yinini o'tkazadi. "Qizilqum"ga qarshi bahs soat 18:00da boshlanadi.

Kamol Jo'nashev boshchiligidagi "Navbahor" yoshlari 12ta turdan 15 ochko to'plab musobaqa jadvalining 7-pog'onasida bormoqda.