"Vodiy futboli". Izzat G'aniev safga qaytdi

"Andijon": Tayyorgarlik davom etmoqda

Jamoamiz oliy liganing 13-turida "Bunyodkor" bilan kuch sinashidan xabaringiz bor. Bu o'yinga jamoamizning tayyorgarligi davom etmoqda. Bugun kechki mashg'ulot ham "Sog'lom avlod" stadionida bo'lib o'tadi. Mavsum boshida safdan chiqqan jamoamizning yangi azosi Ruslan Gafarov tarkibga qaytdi va kechadan mashg'ulotlarni boshladi. Ibrohim Otaxonov va Sanjar Asqaralievning masalasi ayni paytda PFLda ko'rib chiqilmoqda. Bu futbolchilar hozir O'FFda. Ularning taqdiri qanday kechishi tez orada hal bo'ladi.


"Qo'qon-1912": Izzat G'aniev safga qaytdi

"Qo'qon-1912" jamoasi kecha o'z qarorgohida yig'ildi. Jamoa 19 iyun kuni bo'ladigan "Neftchi"ga qarshi bahsga tayyorgarlikni boshladi. Jarohat sabab bir necha uchrashuvlarni o'tkazib yuborgan Izzat G'aniev safga qaytdi. Markaziy yarim himoyachi umumiy guruh bilan mashg'ulot o'tkazmoqda.


"Neftchi": Javohir Rasulov va Murod Ismoilov Toshkentda

Farg'onaning "Neftchi" klubi bugun ertalab o'z qarorgohida mashg'ulot o'tkazdi. Murod Ismoilov bugun Toshkentda tartib intizom qo'mitasi yig'ilishida ishtirok etadi. Bu yig'ilish soat 17:00da boshlandi.

Kecha jarohat olgan Javohir Rasulov bugun tongda Toshkentga tibbiy ko'rikdan o'tish uchun ketdi.

Jamoa ertaga ertalab Qirgulida navbatdagi mashg'ulotini o'tkazadi.


"Navbahor": Ertaga Navoiyga yo'lga chiqiladi

Namanganning "Navbahor" klubi Toshkentdagi yig'inni davom ettirmoqda. Bugun kechki payt jamoa vakillari mashg'ulot o'tkazishadi. Ertaga tongda delegaciya Toshkent-Navoiy yo'nalishida poezdda manzil tomon yo'lga chiqishadi.

Jarohati bor bo'lgan Rahmatullo Berdimurodov yana individual tarzda mashg'ulotlarni davom ettiradigan bo'ldi.