Vitaliy Levchenko: "Qarshi hujumda o'tkazib yuborilgan gollar mag'lubiyatga sabab bo'ldi"

O'yin haqida

- O'yin biz uchun kutilmagan  boshlandi. Qarshi hujumlarda gollar o'tkazib yubordik. Birinchi bo'limning o'zida "Paxtakor" jamoasi ikkita qarshi hujumdan unumli foydalanib ketdi. Bilasizmi, birinchi golni o'tkazib yuborganimizdan so'ng Norchaevning vaziyatida hisobni tenglashtirganimizda umuman boshqacha o'yin bo'lardi. Yaxshi vaziyat edi, biroq yakuniy zarbaga aniqlik etishmadi.

Ikkinchi bo'limda "Paxtakor"ning uslubi keskin o'zgarib ketdi. Rejamizda vaziyatga qarab ikkinchi raqamli uslub ham bor edi. Jamoa deyarli oldinga chiqmay qo'ydi. SHunday bo'lsa ham hujumlarda omadimizni qidirdik, biroq o'xshamadi.

- "Neftchi"dagi muammolar aniq nimalardan iborat?

- Tarkibdagi yo'qotishlar, jarohatlar va charchoq. Asosiy tarkibni to'liq o'ynata olmayapmiz. Rotaciyalar qilishga urinayapmiz, biroq ayrim joylarda mahorat etishmayapti. Har bir vaziyatni tahlil qilib boramiz, kerakli choralarni qo'llashga intilamiz.