Virjil van Deyk "Nyukasl" bilan o'yinga tayyor

"Liverpul" bosh murabbiyi Yurgen Klopp jamoaning Angliya Premer-ligasi 24-turidan o'rin olgan "Nyukasl"ga qarshi bahsida himoyachi Virjil van Deyk maydonga tushishini aytdi. Mazkur bahs bugun 18 fevral kuni bo'lib o'tadi.

"Menimcha, ha. Bir kun oldin mutlaqo tayyor ko'rindi. O'ylaymanki, o'yindan oldingi mashg'ulotlarda ham xuddi shunday ko'rinishga ega bo'ladi, shundan so'ng biz aniq qaror qabul qilamiz", – dedi nemis mutaxassisi.

Eslatib o'tamiz, van Deyk 2 yanvar kuni bo'lib o'tgan APLning 19-turida "Brentford" bilan bahsni mushaklaridagi muammo tufayli erta tark etishga majbur bo'lgan edi. Yakunda o'sha o'yin Klopp shogirdlarining 1:3 hisobidagi mag'lubiyati bilan tugagan edi.