Villian: "CHelsi" Evropa ligasi g'olibi bo'lmoqchi"

"O'yin qiziqarli va qiyin o'tadi. Ularda kuchli futbolchilar bor va biz hamma narsaga tayyor bo'lishimiz kerak. Turnirni yaxshi boshlab, 3 ochkoga ega bo'lmoqchimiz. Ketma-ket 5ta g'alabaga erishdik. Bu mavsum ko'p narsaga qodirmiz va bu o'yinimiz bilan sovrin yuta olamiz. Start omadli bo'lishini, kubok qo'lga kiritishni istaymiz.

"CHelsi" futbolchisi ekanligimdan juda xursandman. Bu klub sharafini himoya qilish men uchun sharaf. "CHelsi"da baxtliman. Doimo "aristokratlar" safida to'p tepishni istaganman va endi Mauricio Sarri qo'l ostida umuman boshqacha o'yin ko'rsatyapmiz. Men futboldan shunchaki rohat olib, "CHelsi" sharafini himoya qilmoqchiman" - deydi xavbek.