Viktor Kumikov: “O'yindan qoniqmadim”
06 mar 2022 22:51
Yangiliklar

Viktor Kumikov: “O'yindan qoniqmadim”

“Zomin” hamda “Andijon” (0:0) jamoalari o'rtasidagi o'yindan keyin bo'lib o'tgan matbuot anjumanida Viktor Kumikov o'z fikrlarini bildirdi.

- Afsuski, uchrashuv boshidanoq o'yinimiz o'xshamadi. Nima sababdan bunday bo'lganini bilmadim. Aslida barchasi yaxshi bo'lishi kerak edi. Birinchi bo'limda hech nima o'xshamadi. Ikkinchi bo'limda o'zgarishlar qildik. SHundan keyin o'yinimizda biroz bo'lsa ham o'zgarish bo'ldi. Lekin gol urolmadik.

Albatta, o'yindan qoniqmadim. Tajribali futbolchilarimizga ruhiy bosim bilinmasligi kerak. Hozir yana yigitlar bilan gaplashamiz. Bugungi uchrashuvda bizga 3 ochko juda muhim edi. Hali oldinda o'yinlar ko'p. Umid qilamanki, keyingi bellashuvlarda ijobiy natijalarga erishamiz.

“Zomin”da maqsad yo'q, shu bois ularda hech qanday bosim ham yo'q. Natijada raqib bugun ancha erkin harakat qildi. Bizda gol urishga ko'proq imkoniyatimiz bo'ldi. Bitta gol urib olganimizda ishlarimiz yurishib ketardi. Tabiiyki, hujum chizig'imizdagi o'yindan qoniqmadim, - dedi Viktor Balyutovich.

Havola :

Manba : "Андижон" ФК матбуот хизмати

Yangiliklarni Telegramda o'qing!

Reyting: +2