VIDEO. SHavkat Mullajonov: "Bahona o'tmaydi, ochko olishimiz kerak"

Dastlabki savol 1-tur uchrashuvi haqida bo'ldi.

- Birinchi o'yinda himoyada xatolar bo'ldi, umuman shu ortda qolgan o'yin va 2-tur tayyorgarligi haqida aytib bersangiz...
- Bu katta musobaqa, hammani hayajon bosadi. Muhimi, o'zimiz uchun kerakli uch ochkoni qo'lga kiritdik. Hech kim xatosiz o'ynamaydi. Ikkinchi bo'limda vazifani uddalay oldik va biz himoyachilar o'z vazifamizni bajardik.

- Bu birinchi marotaba kuzatilmayapti. So'nggi o'yinlardan kelib chiqib aytsam, dastlabki 10 daqiqada jamoa qiynalmoqda.
- To'g'ri. O'yin boshida biroz bosim bo'ladi, mana shu 10 daqiqadan keyin barcha o'zini bosib oladi.

- 1-turdan kelib chiqsak, Xitoy bizga qarshi KXDR tomonidan qo'llanilgan taktika asosida maydonga tushishi mumkin. Raqib haqida nima deya olasiz?
- O'yinni to'g'ridan-to'g'ri ko'rdik. Ikki jamoa ham birinchi o'yinda qiynaldi. Xitoyning omad keldi va penaltini qaytarishga erishdi. O'ylashimcha, ikkala jamoa ham o'z o'yinini ko'rsatmadi, xuddi biz kabi.

- Xitoy ikkinchi o'yinni ham Brisbenda o'tkazadi, bu keyinchalik bahona bo'lmaydimi?
- Yo'q, nega endi. Davlat bitta bo'lsa. Masofa qisqa. Bahona haqida o'ylashimiz kerak emas, ayniqsa ochko yo'qotish kerak emas.

- Jamoa vaqt muammosini engib o'tdimi?
- Ha, hozir hammasi joyida.

Nodirxo'ja Yuldashev.

TAS-IX

TAS-IX emas