Van Deyk APLda oxirgi to'rtta o'yinda 154 ta uchrashuvda qilmagan xatoni qildi

Statistik malumotlar bilan shug'ullanuvchi Opta Jose tahlillariga ko'ra, “Liverpul” himoyachisi Virjil van Deyk APLning so'nggi to'rtta uchrashuvida o'z darvozasiga to'p kiritilishiga sabab bo'lgan ikkita xatoga yo'l qo'ydi. Bu uning APL bahslarida dastlabki 154 ta o'yindagi xatolaridan ko'proqdir.

“Lids”ga qarshi bellashuvdan keyin “Liverpul” o'z maydonidagi mag'lubiyatsiz seriyani 60 taga etkazib oldi. 2017 yil aprelidan buyon davom etayotgan ushbu seriyada Klopp jamoasi 49 ta g'alaba, 11 durangga erishgan.

APL navbatdagi turida “Liverpul” “CHelsi” bilan kuch sinashadi. Uchrashuv 20 sentyabr kuni bo'lib o'tadi.