Vadim Abramov: "Raqib bizga o'z o'yinimizni namoyish etishga imkon berdi"

"So'g'diyona" yaxshi jamoa, bu jamoa hali ko'p jamoalardan ochkolar olib qo'ya oladi", - deb gap boshladi Abramov.

Legionerlar mahalliy futbolchilardan ustun bo'lishi kerak deb hisoblayman. Bugun maydonga tushayotgan legioner futbolchilar bunga haqli. SHevchenko o'tgan o'yindagi kabi yorqin o'yin namoyish etmadi. U tajribali futbolchi.

Mening vazifam futbolchilarning imkoniyatlaridan to'g'ri foydalanish. SHevchenko maydonga tushayaptimi demak u bizni qoniqtirmoqda.

Bugun raqib bizga o'z o'yinimizni namoyish etishga imkon berdi. SHu bois gollar urdik. Hozircha mavsumga to'liq tayyormiz deb ayta olmayman. Keyingi turda "Bunyodkor" bilan o'ynaymiz. SHundan so'ng katta tanaffus bo'ladi, bu bizga foyda keltiradimi yoki aksincha bilmayman.

Aslida stadion xodimlariga rahmat aytish bilan o'z fikrlarimni boshlamoqchi edim. Yodimdan ko'tarilibdi. Ertalabdan yoqqan qor tufayli bugun o'yinimizni ko'rsata olmasligimiz mumkin edi. Xodimlar maydonni futbol o'ynash uchun ajoyib holatga keltirib qo'yishdi. Ularga jamoa nomidan minnatdorchilik bildiraman. Bundan tashqari muxlislarga ham rahmat. Agar stadionga ko'proq odam kelaversa demak biz to'g'ri yo'ldan ketayotganimizni ko'rsatadi - deydi Vadim Abramov.