JCH-2022 saralashi. Usmon Toshev: "Mo'g'ulistonga g'alaba uchun keldik"
09 sen 2019 16:22
Yangiliklar

JCH-2022 saralashi. Usmon Toshev: "Mo'g'ulistonga g'alaba uchun keldik"

Tojikiston terma jamoasi bosh murabbiyi Usmon Toshev va jamoa yarim himoyachisi Parvizjon Umarboev Mo'g'ulistonga qarshi bo'ladigan JCH-2022 ikkinchi saralash bosqichi uchrashuvi haqida fikr bildirishdi.

Mo'g'uliston va Tojikiston o'rtasidagi bahs seshanba, 10 sentyabr kuni Ulan-Batorda bo'lib o'tadi.

Usmon Toshev, Tojikiston terma jamoasi bosh murabbiyi:

- Avvalambor Tojikiston xalqini respublikaning Mustaqillik bayrami bilan tabriklamoqchiman. Barcha tojikistonliklarga tinchilik va farovonlik tilayman! Mo'g'ulistonga qarshi bahsga to'xtaladigan bo'lsak, unga jiddiy tayyorgarlik ko'rayapmiz. Ulan-Batorda bizni iliq kutib olishdi, ob-havo juda yaxshi. Mug'uliston xalqi va bu mamlakatdagi futboldan xabardorman. Mo'g'uliston terma jamoasi JCH-2022 ikkinchi saralashini biz kabi g'alaba bilan boshladi. Raqibimizning Myanmaga qarshi uchrashuvini tomosha qilib, uni tahlil qildik. Mo'g'uliston - yaxshi jamoa. Ertaga bizni qiziqarli bahs kutib turibdi. Ulan-Batorga g'alaba uchun keldik.

Parvizjon Umarboev, Tojikiston terma jamoasi yarim himoyachisi:

- Men ham barcha tojikistonliklarni Mustaqillik kuni bilan qutlamoqchiman! Yigitlarning kayfiyati yaxshi. O'yinga tayyormiz. Mo'g'uliston terma jamoasini mag'lub etib, Mustaqillik kuniga sovg'a qilmoqchimiz. Kecha raqib o'yinini tahlil qildik. Mo'g'ulistonga qarshi o'yin oson bo'lmaydi.