Umid Ahmadjonov Qarshidagi "Muruvvat" bolalar uyida bo'ldi FOTO
30 iyu 2018 12:14
Yangiliklar

Umid Ahmadjonov Qarshidagi "Muruvvat" bolalar uyida bo'ldi FOTO

Bugun O'FA birinchi vice-prezidenti Umid Ahmadjonov Qashqadaryo viloyati futbol associyasidagi umumiy holatni o'rganish va olimpiya sport turlarini rivojlantirish borasida amalga oshirilayotgan ishlar bilan yaqindan tanishish uchun Qarshi shahriga tashrif buyurgani haqida avval xabar berib o'tgandik.

Tashrif davomida Umid Ahmadjonov Qarshi shahridagi "Muruvvat" bolalar uyiga borib, u erdagi bolakaylarning holidan xabar oldi.Ushbu bolalar uyida tarbiyalanayotgan bolajonlarning ko'nglini ko'tarish uchun ularga O'zbekiston futbol associaciyasining sovg'alari ulashildi.

Malumot uchun, ushbu bolalar uyida 4 yoshdan 18 yoshgacha bo'lgan jami 280 nafar bola tarbiyalanmoqda.

"Muruvvat" bolalar uyini ko'zdan kechirish jarayonida bu erdagi mini-futbol maydoni ayanchli ahvolda ekani malum bo'ldi. Umid Ahmadjonov O'FA hisobidan sovg'a tariqasida "Muruvvat" bolalar uyidagi futbol maydonini zamonaviy talablarga mos keladigan tarzda to'laligicha qayta rekonstrukciya qilish, sportni yanada ommalashtirish uchun sharoit yaratish bo'yicha topshiriq berdi. Tez kunda bu erdagi maydoncha yangi ko'rinish kasb etadi.

SHuningdek, bugun kun tartibidan Qarshidagi Olimpiya zaxiralari ixtisoslashtirilgan maktab internati hamda "Nasaf" klubi bilan yaqindan tanishish o'rin olgan.

Kun oxirida esa viloyat hokimligining majlislar zalida Qashqadaryoda sport, xususan, futbol sohasini rivojlantirishda olib borilayotgan ishlar, yo'l qo'yilayotgan kamchiliklar bo'yicha yig'ilish o'tkaziladi va tegishli xulosalar qilinadi.