Umid Ahmadjonov: "Kuper bizning talablarimizga mos keladi"

O'zbekiston futbol associaciyasi birinchi vice-prezidenti Umid Ahmadjonov Ektor Kuper varianti O'zbekiston uchun mos ekanligi haqida gapirdi.

“Kuper bilan yaxshi niyatlar hamda jiddiy maqsadlar yo'lida kelishuvga erishdik. Umid qilamizki, millionlab vatandoshlarimizning uzoq yillik orzularini ro'yobga chiqarishda bu inson bizga yordam beradi. Biz Evropa futboli nafasini O'zbekistonga olib kira oladigan, o'z futbolchilariga qahramonlik hislarini singdira oladigan, jamoalari har qanday raqibga tik qaray oladigan, eng muhimi, Jahon CHempionati sari yo'lni bosib o'tgan tajribali murabbiyni istagandik. Bizningcha, Kuper bu talablarga mos keladi. Mana shunday mutaxassisning olib kelinishi uchun sharoit yaratib berayotgan O'zbekiston hukumatiga hamda yangi bosh murabbiyni sabr bilan kuta olgan xalqimizga minnatdorchilik bildiraman”, - dedi Umid Ahmadjonov.