Ulug'bek Hoshimov: "O'zim katta bo'lgan jamoaga qaytish yoqimli. "Paxtakor" bilan katta yutuqlarga erishishni maqsad qilganman"

- "Paxtakor" jamoasi kelib qo'shildingiz. Ikkinchi davraga tayyorgarlik qanday kechmoqda?

- O'zim katta bo'lgan jamoaga qaytish juda yoqimli. Dastlabki qadamlarimni shu erda tashlaganman. Kuniga ikki marotaba mashg'ulot olib boryapmiz. "Paxtakor" bilan katta yutuqlarga erishishni maqsad qilganman.

- Ikkinchi davra oldidan "Paxtakor" o'z oldiga qanday maqsadlarni qo'ydi?

- Maqsadlar katta. SHu natijalarga erishish uchun maksimal ravishda harakat qilamiz. "Paxtakor"ga kelishim oldindan anqi edi, ammo ayrim bir sabablarga ko'ra birinchi davrani "Surxon"da o'tkazdim. Jamoadoshlarimning barchasi akalarim va ukalarim jamoadagi atmosfera ajoyib.

- Parijdagi Olimpiya o'yinlari boshlanishiga bir hafta qoldi. Olimpiya o'yinlari oldidan o'z fikrlaringizni bildirib o'tsangiz?

- Do'stlarimga Olimpiya o'yinlarida omad tilayman. Ular vatanga yorug' yuz bilan qaytishlariga tilakdoshman.