UEFA "Milan"ga qarshi o'yindagi tartibsizlik sabab PSJni deyarli 100 ming evro jarimaga tortdi

PSJ va "Milan" klublari UEFA tomonidan jarimaga tortildi. UEFA tartib-intizom qo'mitasi ikki jamoa o'rtasidagi uchrashuvda muxlislar tomonidan yuzaga keltirilgan tartibsizlik sabab jarima belgiladi. Unga ko'ra, PSJ klubi 98 ming evro, "Milan" esa 23 ming evro jarima to'laydi.

Parijlik muxlislar pirotexnika vositalaridan foydalanishgan, stadionning kirish va chiqish yo'llarini yopib qo'yishgan. Bundan tashqari, maydonda begona insonlar paydo bo'lgan. Jarimadan tashqari, PSJ bitta uy uchrashuvini cheklangan muxlislar bilan o'tkazadi va ikki yillik sinov muddati oladi.

Milanliklar esa 23 ming evro jarima to'lashlariga o'z muxlislari tomonidan ishlatilgan tutatuvchi vositalar sabab bo'ldi.