U-19 ayollar o'rtasida OCH: Xitoy - O'zbekiston 2:0

Bugun, Xitoyning Nankin shahrida U-19 ayollar o'rtasida Osiyo CHempionati final bosqichi bahslariga start berildi. Turnirning ochilish uchrashuvida Bahrom Norsafarov bosh murabbiyligidagi terma jamoa musobaqa mezboni – Xitoy U-19 qizlariga qarshi maydonga tushdi. 

Uchrashuvning 19-daqiqasida Xitoy ayollar terma jamoasi uchrashuvda hisobda oldinga chiqib olgan bo'lsa, ikkinchi taymning 62-daqiqasida O'zbekiston terma jamoasi darvozasiga yana bir to'p kiritdi. Uchrashuv shu tariqa Xitoy termasining 2:0 hisobidagi g'alabasi bilan yakunlandi.

Eslatib o'tamiz, 8ta terma jamoa ishtirok etayotgan mazkur turnirda dastlabki uchta o'rin egasi kelasi yili Franciyada bo'lib o'tadigan yoshlar o'rtasidagi Jahon chempionati yo'llanmasini qo'lga kiritadi.

Malumot uchun, O'zbekiston U-19 ayollar termasi guruhdagi ikkinchi uchrashuvini 18 oktyabr kuni KXDR ayollar terma jamoasiga qarshi o'tkazadi. Uchrashuv Toshkent vaqti bilan soat 16:00da boshlanadi.

U-19 ayollar o'rtasida Osiyo chempionati.

15 oktyabr.

Nankin, Xitoy.

“A”guruhi 1-tur:

Xitoy U19 – O'zbekiston U19 – 2:0.

Gollar: CHan Yuanmeng (19), Lyu Jing (62).

O'zbekiston U19:  Maftuna Jonimqulova, Darina Fedosenko, Feruza Boboxo'jaeva, Sevara Normurodova, Soliha Husniddinova, Maftuna SHoimova, Umida Zoirova, Nozima Kamoltoeva, Malika Burhonova, SHahnoza Qurbonova.