U-16 o'smirlar o'rtasidagi OCH: O'zbekiston bugun Nepalga qarshi o'ynaydi

S guruhida ishtirok etadigan O'zbekiston U-16 o'smirlar terma jamoasi 1-tur bahsida bugun Nepal U-16 o'smirlariga qarshi maydonga tushadi.

Nepalga qarshi uchrashuv Bankokdagi Muanghtong stadionida bo'lib o'tadi. Uchrashuv Toshkent vaqti bilan 14:00 (Bankok vaqti bilan 16:00)da boshlanadi. Guruhning ikkinchi uchrashuvida esa Kuvayt U-16 o'smirlari KXDRga qarshi bahs olib boradi.

Eslatib o'tamiz, kecha S guruhida ishtirok etadigan terma jamoalar bosh murabbiylari ishtirokida o'yinoldi matbuot anjumani bo'lib o'tgan va unda OAV savollariga O'zbekiston U-16 o'smirlar terma jamoasi bosh murabbiyi Aleksandr Mochinov javob bergan edi. SHuningdek, kecha bo'lib o'tgan menejerlar mitingida bugun terma jamoalar qanday liboslarda maydonga tushishiga oydinlik kiritilgan. Unga ko'ra, Nepalga qarshi o'yinda O'zbekiston U-16 o'smirlari rasman mezbon sifatida oq libosda maydonga tushsa, Nepal ko'k liboslarda o'ynaydi.

Malumot o'rnida, O'zbekiston U-16 o'smirlar terma jamoasi 2-tur o'yinida 9 sentyabr kuni KXDR terma jamoasiga qarshi maydonga tushsa, so'nggi turda 11 sentyabr kuni Kuvayt U-16 o'smirlariga qarshi o'ynaydi.

U-16 o'smirlar o'rtasidagi OCH.
Tailand, Bankok.
7 sentyabr. C guruhi, 1-tur.
O'zbekiston - Nepal (14:00)

Kuvayt - KXDR (18:00)