Tursunov jamoasida durang, Sanjar to'liq o'ynadi

Terma jamoamiz yarim himoyachisi Sanjar Tursunov to'p tepayotgan “Vorskla” klubi o'z maydonida “Ilichevec”ni qabul qilib, autsayder jamoa qarshiligini sindira olmadi. O'yinda hisob ochilmadi. Hamyurtimiz doimgidek maydonda to'liq harakat qildi.

Ushbu durangdan so'ng “Vorskla” 14 ochko bilan 4-o'rinni egallab turibdi. Lekin taqibchi jamoalar bugun g'alaba qozonishsa, poltavaliklardan o'tib ketishadi. Bir kun avval ushbu turda amaldagi mamlakat chempioni “SHaxtyor” kutilmaganda Doneck derbisida “Metallurg” klubiga 1:2 hisobida imkoniyatni boy berib qo'ydi.

Bugun turning markaziy uchrashuvi “Dnepr” hamda Kievning “Dinamo” jamoalari o'rtasida bo'lib o'tadi. Yana bir hamyurtimiz Maksim SHackixning “Goverla” klubi ertaga o'z uyida “Volin” jamoasini qabul qiladi.


Ukraina chempionati. 11-tur
“Vorskla” – “Ilichevec”  0:0 (0:0, 0:0)
Vorskla – Bogush, A. Tkachuk (Krivosheenko, 84), Dallku, E. Tkachuk, Sklyar, CHesnakov (Markoski, 83), Dedechko, SANJAR TURSUNOV, Gromov, Yanuzi (Barannik, 46), Kovpak.

“Metallurg” Z – “CHernomorec” Odessa  0:0 (0:0, 0:0)

“Metallurg” D – “SHaxtyor”  2:1 (0:0, 2:1)


BUGUNGI O'YINLAR
“Karpati” – “Zarya”
“Metallist” – “Olimpik”
“Dnepr” – “Dinamo” Kiev

3 NOYABR
“Goverla” – “Volin”