Transfer oynasi paytida boshqa klubga o'tgan futbolchi birinchi davra o'yinlarida maydonga tusha oladimi?

10-31 avgust yurtimizda yozgi transfer kunlari sifatida belgilangan. Malumki, Superliga birinchi davrasining qolgan to'rtta turi markazlashgan holda o'tkaziladi. 10-tur 17 avgust kuni start olib 13-turning oxirgi o'yini 29 avgustga belgilangan.

SHu o'rinda savol tug'iladi: yozgi transfer paytida bir klubdan ikkinchisiga o'tgan futbolchi birinchi davraning qolgan turlarida yangi jamoasi tarkibida maydonga tusha oladimi? Bu savol bilan PFL bosh direktori vazifasini bajaruvchi Diyor Imomxo'jaevga murojaat qilganimizda "Ha" degan javobni oldik. 

Demak, yozgi tranfser paytida istalgan klub o'z safiga qo'shib olgan yangi futbolchilarni birinchi davra tugamasdan maydonga tushirishi mumkin bo'ladi. Fayat bu o'rinda PFL oldida yoki jamoadagilardan qarzi bor klublar toki qarzni yopmaguncha transfer ishlari bilan shug'ullana olishmaydi. PFL bu borada vaziyatni jiddiy nazoratga olishni maqsad qilgan.