Tohir Kapadze: "PFL Kubogidagi ishtirokimizdan ko'nglim to'ldi"

Bu yil o'z oldiga elitaga chiqishni maqsad qilib qo'yayotgan qo'qonliklar ayrim mutaxassislarda ham yomon taassurot qoldirmadi. Jamoa bugun birinchi liganig yangi vakili Toshkentning Obod jamoasi bilan yarim finalda ro'baru keldi va asosiy daqiqalarda durangga imzo chekib, penaltilar seriyasida raqibga imkoniyatni boy berdi. Bahs poyoniga etgach, "Qo'qon-1912" bosh murabbiyi Tohir Kapadzening o'yin haqida fikrlarini bilishga qiziqdik.

- Uchrashuv teng kurashlar ostida o'tdi. Raqib jamoa menda yaxshi taassurot qoldirdi. Tarkibida asosan yoshlar bo'lishiga qaramay, astoydil o'ynashdi. SHogirdlarim esa jismoniy jihatdan biroz charchab qolgandi. CHunki bundan oldin, "NBU-Osiyo"ga qarshi kechgan bahsda ko'p kuch sarf etilgandi. Qolaversa bugungi uchrashuvda ikki nafar asosiy o'yinchimiz  Aleksandr Kritinin bilan Aziz To'xtaboevning o'ynamagani ham bizga birmuncha qiyinlashtirdi. Umuman olganda o'yindan ko'nglim to'ldi. Negaki, asosiy vaqtlarda davrozamizdan to'p o'tkazib yubormadik. Penaltilar seriyasi esa bu  lotoreya. Unda darvozabonga aybni to'nkash yaxshi emas. Yigitlar bor kuchlarini berib o'ynadi. Afsuski finalga chiqa olmadik.

Lekin bundan ortiqcha tashvishga tushib bo'lmaydi. CHunki PFL Kubogi turniri mavsum boshlanishidan oldin har bir jamoaga tayyorgarlik bosqichidir. O'yin amaliyotni oshirish mumkin.

- Bilsangiz kerak, bu turnir ananaviy maqomiga ega bo'lsada, "Qo'qon-1912" ilk bor bu yil ishtirok etdi. SHunga qaramay yarim finalga qadar bo'lgan yo'lni bosib o'tdik. Albatta buni ijobiy baholasa bo'ladi. Yuqorida aytib o'tganimdek, muhim o'yinlar hali oldinda. Asosiysi chempionatda g'alabalarga erishish va o'z oldimizga qo'yilgan vazifani uddalashimiz kerak.

Islombek Rustambekov.