Timur Kapadze: "Navbahor" o'tgan yili bajarilmay qolgan vazifani uddalash uchun harakat qilayapti"

O'yin haqida

- Yaxshi o'yin bo'ldi. Har ikki jamoa yaxshi harakat qildi. Bugungi uchrashuvni tomosha qilgan muxlislar ayni tomoshabop o'yin guvohi bo'lishdi deb o'ylayman. Jamoamiz yigitlari yomon harakat qilishmadi, har bir vaziyat uchun oxirigacha kurashishdi.

- Bu yilgi "Navbahor" va uning muxlislari haqida munosabatingizni bildirib o'tsangiz...

- "Navbahor" ayni kunlarda yaxshi formada. Ular o'tgan yili o'xshamay qolgan chempionlik uchun harakat qilishayapti. Muxlislari ham har doim jamoasini qo'llab-quvvatlashadi. Ular yaxshi o'ynasa, kerak bo'lsa raqib jamoani ham olqishlashadi.

- "Olimpik" atrofidagi ijobiy gap-so'zlar jamoaga bosim yuklab qo'ymadimi? Jamoa o'tgan yilgidek ko'rinmayapti...

- Bizda tarkibda o'zgarishlar ham bo'ldi. Yigitlar yomon harakat qilishmayapti. O'yindan o'yinga kuchayib boramiz. Bizning vazifamiz ham shu aslida. Yigitlarni bosh maqsadimiz tomon munosib tayyorlash.

- "Navbahor" bilan bilan kubok o'yinida ham to'qnash kelasizlar. Bu borada fikringiz qanday?

- Biz hali guruhdan chiqmadik. "Andijon" bilan raqobat jiddiy kechayapti. Bugun o'ynagan jamoa bilan 3 kundan keyin yana to'qnash kelish osonmas. Biroq, buning ham yaxshi tomoni bordir deb hisoblaymiz.

- U-20 jahon chempionatida ishtirok etayotgan jamoamiz tarkibidan ko'zlaganlaringiz bormi?

- Albatta, ularning har biri nomzod. Nufuzli turnir oldida ekanliklari uchun avvalroq chaqirmagandim. Albatta, bu terma jamoamizdan bizga nomzodlar bor.