Timati Black Star Sport futbol agentligi dastlabki ikki futbolchini tanishtirdi

Tadbirda Black Star Inc. kompaniyasining tasischilari Pavel Kuryanov va Valter Lerusse, Black Star Sport bosh direktori Yuriy SHtromberger va Moskva futbol federaciyasi prezidenti Sergey Anoxin ishtirok etishdi.

Black Star kompaniyasi tasischisi Pavel Kuryanov agentlikning rejalari hamda istiqbolli yosh futbolchilar haqida gapirdi.

"Bugun biz ilk ikki futbolchi bilan shartnoma imzoladik, ammo ish boshlaganimizga yarim yildan ko'proq vaqt bo'ldi. Bugun "Instagram"dagi sahifamiz ochiladi. Endi o'z ishimiz va agentlikning rivojlanishi haqida doimo xabar berib turamiz. Yaqin vaqt ichida yana bir futbolchi bilan shartnoma tuzishimiz kerak. Yosh va istiqbollik futbolchilarga ko'proq etibor qaratamiz, biroq hammani ko'zdan kechiramiz. Biz amaldagi sportchi yoki ko'chadagi yigit bilan bitim tuzishimiz mumkin.

Yangi futbolchilarimiz murabbiylar, psixologlar, dietolog va turli chet ellik mutaxassislar bilan ishlash imkoniyatiga ega bo'ladi. Yigitlar Evropaning turli klublarida shug'ullanishi va o'zining mahoratini oshirishi mumkin bo'ladi. Futbolchilarimiz bilan hech qanday mojaro bo'lmaydi va bo'lishi ham mumkin emas. Futbol maydonidagi muvaffaqiyatdan tashqari, biz ularning shaxsiy hayoti va o'zini tutishini kuzatib boramiz. Futbolchi futbolchiligicha qolishi kerak" - deydi Kuryanov.