Temurxo'ja Abduxoliqov: "Har qanday seriya ham qachondir tugaydi"

- Temurxo'ja, bugungi o'yin haqida nimalarni ayta olasiz?

- O'yinni o'zingiz ko'rdingiz, bazi vaziyatlar o'ta tushunarsiz bo'ldi. Hamma jamoada ham shunaqa holatlar bo'lib turadi. "Andijon"ni tabriklayman.

- "Andijon" o'z tarixida "Bunyodkor"ni ilk bor mag'lubiyatga uchratdi, buni bilarmidingiz?

- Ha, hozir shunaqa deb aytishdi. "Andijon" ilk bor "Bunyodkor"ni yutibdi. Har qanday seriya ham qachondir tugaydi.

- Stadiondagi muhit jamoangiz o'yiniga salbiy tasir o'tkazdi deb o'ylaysizmi?

- Futbol muxlislar bilan qiziq. Bugun "Andijon" muxlislari yaxshi muhit yaratib berishdi. Muxlislar "Andijon"ning g'alabasiga hissa qo'shgan bo'lishi mumkin, lekin biz mag'lubiyatni bunga bog'lamoqchi emasmiz.

Nodirbek Abdullaev yozib oldi