Temur Kapadze: “O'ylaymanki, "Dinamo”dan o'tamiz”

Unga ko'ra, hamyurtimiz Temur Kapadze to'p tepayotgan Qozog'istonning “Aktobe” klubi Gruziya chempioni “Dinamo” jamoasi bilan hisob-kitob qilishi malum bo'ldi. Bizga bergan blic intervyusida Temur Kapadze qura haqida shunday dedi. 

“O'ylaymanki, “Dinamo”dan o'ta olamiz. Lekin oldindan yutilgan o'yinlar bo'lmaydi. Astoydil tayyorgarlik ko'rib, raqibdan kuchli ekanimizni amalda isbotlashimiz kerak. Buning uchun o'zimizning eng yaxshi o'yinimizni ko'rsatishimiz kerak.

“Dinamo” Gruziya chempioni. Demak, bu jamoaga hurmat bilan qarash lozim. Raqibni mensimaslik yaxshi oqibatlarga olib kelmaydi. Ilk uchrashuvning Tbilisida o'tkazilishi biz uchun yaxshi bo'ldi.

Javob o'yinida muxlislar yordamida o'z niyatimizga etishni maqsad qilganmiz. Malumki, “Aktobe”ning muxlislari Qozog'istonda birinchi o'rinda turadi. Ularning haqqi-hurmati uchun ham g'alaba qozonishimiz kerak”, - deydi Kapadze.