Tarixda bugun: 2015 yil M.Qosimov, 2016 yilda esa S.Babayan O'zbekiston MTJ bilan mashg'ulot o'tkazgan
23 mar 2020 16:15
Yangiliklar

Tarixda bugun: 2015 yil M.Qosimov, 2016 yilda esa S.Babayan O'zbekiston MTJ bilan mashg'ulot o'tkazgan

Deyarli butun dunyoda futbol uchrashuvlari vaqtincha to'xtatilgani sabab o'quvchilarimizni zeriktirib qo'ymaslik maqsadida "Tarixda bugun" rukniga qo'l urgandik.

Tarixda bugun: O'zbekiston MTJ Senegal bilan durang o'ynagan, "Paxtakor" esa "Sepaxon"ni mag'lub etgan GALEREYA

2015 yilning aynan bugungi sanasida Mirjalol Qosimov bosh murabbiy sifatida O'zbekiston milliy terma jamoasi bilan mashg'ulot o'tkazgan. Oradan roppa-rosa bir yil o'tib esa Samvel Babayan terma jamoa bilan mashg'ulot olib borgan. Quyida Qosimov va Babayan boshchiligida 2015 va 2016 yil o'tkazilgan mashg'ulotlardan suratlarni etiboringizga havola etamiz.

Mirjalol Qosimov boshchiligida terma jamoamiz o'shanda Janubiy Koreya hamda Yaponiyaga qarshi bo'lajak o'rtoqlik o'yinlariga tayyorlanayotgan edi.

Sanjar Tursunov va Bahodir Nasimovlardan "don-don-ziki")

Zohir Qo'ziboev oradan to'rt kun o'tib J.Koreya darvozasiga to'p kiritgandi.

Endi esa bir yil keyinga yo'l olamiz. Mirjalol Qosimov JCH-2018 saralashi doirasida Pxenyanda KXDRga 2:4 hisobida uchralgan mag'lubiyatdan keyin istefo bergan. Uning o'rnini esa Samvel Babayan egallagandi. 2016 yilning 23 martida aynan Babayan terma jamoa bilan mashg'ulot o'tkazgan.

"Bunyodkor" stadionida o'tgan o'sha mashg'ulotda qatnashgan o'yinchilar ro'yxati:

Darvozabonlar: Aleksandr Lobanov ("Persepolis" – Eron), Ignatiy Nesterov ("Lokomotiv"), Eldor Suyunov ("Nasaf").

Himoyachilar: Davron Xoshimov ("Paxtakor"), Akrom Komilov ("Bunyodkor"), Anzur Ismoilov ("CHanchun Yatay" – Xitoy), Egor Krimec ("Beyjin Goan" – Xitoy), Islom To'xtaxo'jaev ("Lokomotiv"), Kamoliddin Tojiev ("Paxtakor"), Vitaliy Denisov ("Lokomotiv" – Rossiya).

Yarim himoyachilar: Javohir Sohibov ("Paxtakor"), Odil Ahmedov ("Krasnodar" – Rossiya), Azizbek Haydarov ("Ash-SHabob" – BAA), Fozil Musaev ("Sepahon" – Eron), Sardor Rashidov ("Al-Jaish" – Qatar), Sanjar Tursunov ("Um-Salal" – Qatar), Stanislav Andreev ("Paxtakor"), Otabek SHukurov ("Bunyodkor"), Server Jeparov ("Lokomotiv"), Jasur Hasanov ("Lokomotiv"), Sanjar SHoahmedov ("Lokomotiv"), Eldor SHomurodov ("Bunyodkor").

Hujumchilar: Aleksandr Geynrix ("Ordabasi"), Igor Sergeev ("Paxtakor"), Marat Bikmaev ("Lokomotiv").

Bu mashg'ulot terma jamoamiz uchun JCH-2018 saralashi doirasida Filippinga qarshi bahsdan oldingi rasmiy mashg'ulot edi. Filippin bilan o'yinga esa ertaga to'xtalamiz.