Tachmurad Agamurodov: "Samarqand viloyati jamoasi yuqori o'rinlar uchun kurashishi kerak"

"Bugun ikkala jamoa juda ehtiyotkor o'yin namoyish etishdi. Gol urishdan ko'ra gol o'tkazmaslikni ko'proq o'yladik. SHu bois himoyani yaxshi ushlashga urindik. Agar jarima to'pidan gol urganimizda balki g'alabaga ham erisharmidik. Yuqori natijalarga erishish uchun faqat futbolchilar o'ynashlari emas. Butun jamoa bir oiladek ishlashi kerak. Oliy ligada qolish vazifasini bajardik. Ammo keyinchalik nima bo'lishi borasida ko'rib chiqishimiz kerak. Samarqand viloyati jamoasi yuqori o'rinlar uchun kurashishi kerak. Rahbarlar buni ko'rib chiqishadi deb o'ylayman.

Sirojiddin Sayfiev operciya qilindi. Operciya yaxshi o'tdi. Biz u bilan doimo aloqada bo'lib turibmiz. Umid qilamanki Sayfiev tezda oyoqqa turadi va futbolga qaytadi.

Oliy ligada jamoalar sonini ko'paytirish borasida PFL vakillari o'ylab ko'rishsa maqsadga muvofiq. Ammo shaxsiy fikrimcha so'nggi o'rinni olgan jamoa birinichi ligaga tushib ketsa, undan tepada turgan jamoa esa birinchi ligadagi jamoa bilan pley-offda o'ynasa yaxshi bo'lardi

Kamoliddin Kenjaevni juda yaxshi bilaman. SHaxsan taniyman. Bu juda yaxshi akciya, buni eshitib xursand bo'ldim. Imkon bo'lsa albatta "Dinamo" ham bu akciyada ishtirok etadi ", - deydi Agamurodov.


Damir Kabilov yozib oldi