Superliga 1-turida 6ta gol bo'ldi. Ikkinchi turda nechta gol ko'ramiz?

Bugun "Nasaf" o'z maydonida "Metallurg"ni qabul qilsa, Superliga debyutanti "Olimpik" safarda "Qo'qon-1912" mehmoni bo'ladi. Qolgan uchrashuvlar 10 va 11 mart kunlari bo'lib o'tadi. 

Dastlabki tur gollarga boy bo'lmadi. Muxlislar ettita bahsda 6ta gol guvohi bo'lishdi. Agar o'tgan yil bilan taqqoslaydigan bo'lsak, bu 9taga kam degani. CHunki o'tgan yil Superliga birinchi turida darvozalarga jami 15ta to'p kiritilgandi.

Telegram kanalimizga 1-turning ENG KUTILMAGAN NATIJASI qaysi mazmunida so'rovnoma qo'ygandik. 10 ming nafarga yaqin muxlis qatnashgan so'rovda eng ko'p ovozni (35 foiz) "Metallurg" - AGMK bahsi oldi. Bilasiz, Mirjalol Qosimov boshqaruvidagi jamoa ilk turda kutilmaganda 0:1 hisobida mag'lubiyatga uchradi.

Bu borada "Qizilqum" - "Lokomotiv" (2:0) uchrashuvi 27 foiz bilan ikkinchi, "Naavbahor" - "Nasaf" (0:0) bellashuvi esa 18 foiz bilan uchinchi bo'ldi. 

P.S. 2021 yilgi Superliga 2-turida 11ta gol urilgan ekan. Bu safar nechta bo'lishini tur o'yinlari yakunlangach bilib olamiz.