Superkubok oldidan. Baxtiyor Qambaraliev: "Ikkala jamoaning ham imkoniyati teng"

Mana oradan yillar o'tib ikkinchi bor Superkubok bo'lib o'tadi. Yana bir necha soatlardan keyin boshlanadigan "Lokomotiv" - "Bunyodkor" uchrashuvi oldidan Superkubok ishtirokchisi bo'lgan sobiq himoyachi Baxtiyor Qambaralievning fikrlarini bilishga qiziqdik.

- 1999 yili “Navbahor” bilan bo'lib o'tgan o'yinimiz hamon esimda. Ochig'ini aytganda o'shanda bu o'yinning ahamiyati va unga bo'lgan qiziqish yuqori bo'lmagan. "Navbahor"ni tarkibi ham kuchli edi. Garchi shu yili ichki chempionatni yutgan bo'lsakda superkubokda "Navbahor"ning qo'li baland kelgandi. Bu - futbol. U kutilmagan natijasi bilan qiziq-da.

Bugungi o'yinga keladigan bo'lsak, har ikki jamoa ham tarkib borasida teng deyish mumkin. SHuning uchun ham g'alabaga bo'lgan imkoniyatni ellikka-ellik deb aytgan bo'lardim.

- Vadim Abramov "Loko" bosh murabbiyi etib tayinlanganiga ham bir oy bo'ldi. Jamoaning OCHL saralash bosqichida o'tkazgan o'yinini ko'rdik. Nazarimda Abramov taktik va boshqa tomonlardan qandaydir o'zgarish qilgan bo'lishi aniq. Buni o'yin ko'rsatadi.

Islombek Rustambekov yozib oldi.