Stadionda chiroq yo'qligi Samarqanddagi futbol mavsumining ochilish o'yinida madhiyani qo'yishga xalal berdi
05 apr 2014 21:23
Yangiliklar

Stadionda chiroq yo'qligi Samarqanddagi futbol mavsumining ochilish o'yinida madhiyani qo'yishga xalal berdi

Futbol bo'yicha O'zbekiston Birinchiligi (Birinchi Liga) birinchi bosqich 1-turi doirasida 4 aprel, juma kuni Samarqandda Registon va Mashal-2 jamoalari o'rtasidagi o'yin bo'lib o'tdi.

O'zPFL matbuot xizmati xabariga ko'ra, o'yin 2:0 hisobida maydon egalari foydasiga hal bo'lgan.

Rasmiy protokol malumotlariga ko'ra, Samarqandda Birinchi Liga mavsumini ochib beruvchi ushbu uchrashuvni bevosita Olimpiya stadionidan 176 nafar tomoshabin kuzatib borgan. Tomoshabinlardan birining Tvitterda malum qilishicha, stadionda chiroq yo'qligi sabab, madhiyani qo'ya olishmadi.

Registon – Mashal-2 uchrashuvini stadionda kuzatib borgan samarqandlik jurnalistning Kun’ga malum qilishicha, elektron vositalar yordamida davlat madhiyasini qo'yish iloji bo'lmagan bo'lsa-da, futbolchilar va hakamlar madhiyani jonli ijro etishgan, madhiya ijro etilayotgan vaqtda O'zbekiston bayrog'i ko'tarilgan.

Xabar berishlaricha, nisbatan salqin va yomg'irli havoda mahalliy vaqt bilan soat 16:00da boshlangan o'yinning ikkinchi bo'limida stadionga chiroq kelgan.

Havola :

Manba : kun.uz

Yangiliklarni Telegramda o'qing!

Reyting: