Spaletti: “Napoli”da xarakter yo'q deganlar, shu gapni hozir aytishsin”

Bu haqda neapolliklar ustozi Luchano Spaletti fikr bildirdi.

“2-bo'limda yaxshi futbol ko'rsatdik. Pedroning mo'jizaviy goli ularga hisobni tenglashtirishga imkon yaratdi, lekin ungacha bizda ko'p vaziyatlar yuzaga keldi, hisobga olinmagan gol, to'pni chiziqdan olib chiqish...

Albatta, bu jamoada xarakter bor. “Kalyari” bilan durang yaxshi natija emasligini aytishdi, ammo bugun sardiniyaliklar safarda “Torino”dan ustun keldi.

“Kamp Nou”dagi ijobiy natijadan keyin “Barselona”ga yutqazdik va bu mening aybim tufayli, chunki taktikani men tanlagandim.

Jamoa atrofidagi yomon muhitni his qilyapman. Odamlar bizga xarakter etishmayotgani haqida aytishmoqda. Ular buni hozir ayta qolishsin.

Oldinda hali ko'p o'yinlar bor, ammo jamoamiz bugungidek salohiyat va xarakterga ega”, deydi Spaletti.