So'nggi daqiqadagi supergol, "Nasaf"ga qarshi quruq o'yin va boshqalar - Superligada 4-tur laureatlari

Championat.asia sayti talqiniga ko'ra, 4-turning eng yaxshi darvozaboni – Davron Merganov ("Surxon")

Ushbu turda "Surxon" darvozasini qo'riqlab, "Nasaf"ga qarshi o'yinda g'alabaning asosiy sababchilaridan biri bo'lgan, Davron Merganov turning eng yaxshi darvozaboni deb topildi. Posbon ushbu turda 4ta seyv amalga oshirdi.

Championat.asia sayti talqinida 4-turning eng yaxshi murabbiyi – Andrey Shipilov ("Qo'qon-1912")

Ushbu turga kelib, mavsumdagi ilk g'alabasini qo'lga kiritgan qo'qonliklarda murabbiy imzosi ko'rinib turibdi. Andrey Shipilov jamoasi ushbu turni zo'r o'tkazdi va aynan murabbiy qilgan o'zgarishlar sababli ikkinchi gol urilib, g'alaba qo'lga kiritildi.

Championat.asia sayti talqiniga ko'ra, 4-turning eng yaxshi futbolchisi – Flamarion ("Paxtakor")

"Paxtakor" futbolchisi "So'g'diyona"ga qarshi o'yinda jamoaning muhim figurasiga aylandi va hisobni tenglashtiruvchi gol muallifiga aylandi. Shuningdek, u assist amalga oshirdi va penalti ishlab berdi. Bu esa g'alabaning asosi bo'ldi.

Championat.asia sayti talqinida 4-turning eng chiroyli goli muallifi – Muhammadanas Hasanov ("Qo'qon-1912")

Ushbu turda supergollar juda ko'p bo'ldi va biz tanlovda qiynaldik. Ovoz berish jarayoni yakunlariga ko'ra, Muhammadanas Hasanovning so'nggi daqiqadagi "Navbahor" darvozasiga urgan shedevr goli eng ko'p ovoz to'pladi. Shuningdek, "so'nggi daqiqa" va "g'alaba goli" so'zlarining o'zi ushbu golning vaznini oshirib yubordi.

Championat.asia talqiniga ko'ra, Superliganing 4-tur ramziy termasi shunday ko'rinish oldi: