Sobiq futbolchi Raul Manxettendagi o'zbekistonlikning telefoni kamerasi ishlashini kutdi
28 jan 2016 11:54
Yangiliklar

Sobiq futbolchi Raul Manxettendagi o'zbekistonlikning telefoni kamerasi ishlashini kutdi

Teglar : Raul Gonsales

Futbol bo'yicha Ispaniya milliy terma jamoasi va Madridning Real klubi hujumchisi Raul Gonsales Nyu-Yorkda o'zbekistonlik talaba bilan selfiga tushdi.

Bu haqda Raul bilan selfiga tushgan SHerzod G'aybullaevning o'zi blogida malum qilgan.

Uning yozishicha, Manxetten avenyularidan birida ketayotganida, hamrohi qarshi tarafdan Raul Gonsales kelayotganini ko'rib qolgan. SHerzod G'aybullaev hamrohi bilan Raulni to'xtatib, undan birgalikda suratga tushishni so'ragan.

Men rasmga olayotganimda, telefonim ozgina pand berdi. Vaqti tig'iz bo'lgan futbol yulduzini bir daqiqadan ortiq vaqtini oldim. Do'stining qistoviga qaramay, kameramning ishlashini kutgan, buning uchun uning o'zi ham telefonim ekranidagi tugmani bosib ko'rgan Raulga nisbatan hurmatim ortdi, - deb yozadi SHerzod G'aybullaev.

Ispaniyalik eng taniqli futbolchilardan biri hisoblangan Raul Gonsales 2015 yil 16 noyabr kuni professional futbolchilik faoliyatidagi so'nggi o'yinni o'tkazdi va faoliyatini yakunladi. U Madridning Real klubidan tashqari, Germaniyaning SHalke-04, Qatarning As-Sadd va AQSHning Nyu-York Kosmos jamoalarida ham to'p surgan.

Havola :

Manba : daryo.uz

Yangiliklarni Telegramda o'qing!

Reyting: +26