Slavche Voyneski: "Al Duhayl" bilan birinchi bellashuvdan zarur xulosalarni chiqardik"

"Ertaga bizni qiziqarli va muhim o'yin kutib turibdi. Ikkinchi davra bahslari boshlanadi. Maqsadimiz – chiroyli futbol ko'rsatish va g'alaba qozonish. SHogirdlarim va butun jamoa bilan faqat yutuq haqida o'ylayapmiz. Muxlislarimiz bizdan ijobiy natijalar kutishmoqda. 

Oldimizda turgan uchrashuvlarda zafar quchishga bor kuchimiz bilan intilamiz. "Al Duhayl" bilan birinchi bellashuvdan zarur xulosalarni chiqardik. Raqib etakchisi Edmilsonga qarshi qanday harakat qilishimizni ertaga ko'ramiz", – dedi "Paxtakor" ustozi Slavche Voyneski. 

"Biz uchun juda muhim o'yin arafasida turibmiz. Maydonda g'alaba uchun borimizni beramiz. Avvalgi bahsda raqibdan individual mahorat sohibi Edmilson yodda qoldi, u "Al Duhayl"ning eng kuchli nuqtasi bo'ldi. Kelayotgan o'yinda barchasini to'g'rilashga urinamiz", – dedi "sherlar" himoyachisi Sayfiev.

"Paxtakor" – "Al Duhayl" uchrashuvi ertaga Toshkent vaqti bilan 22:15 da boshlanadi. "SHerlar" 3 turdan keyin 3 ochko to'plagan holda "D" guruhida oxirgi o'rinda borishmoqda.