Skaloni: "Agar Messining tanasi dosh bersa, u 2026 yilgi JCHda ishtirok etadi"

Argentina terma jamoasi bosh murabbiyi Lionel Skaloni Leo Messining 2026 yilgi mundialda ishtirok etishi mumkinligini istisno etmadi.

"Keyingi Jahon chempionatida ishtirok etish masalasini Leoning o'zi hal qiladi – o'sha vaqtda uning tanasi bunga dosh bersa, Messi JCHda ishtirok etadi. 

G'alabamiz zamirida barcha muxlislar, futbolchilar va murabbiylar shtabining birdamligi yotibdi.

Messi kabi o'yinchining tarkibda ekanligi doim ustunlik bo'lgan va shunday bo'lib qoladi. U bilan sobiq jamoadosh sifatida, uni mashq qildirish menga o'zgacha taassurotlar bermoqda. Boshqa futbolchilar uni kuzata turib, eng yaxshisi bo'lishga intilayotganlarini ko'rish mumkin. Messi eng zo'ri", -deydi Lionel Skaloni.