SHuxrat Muhammadiev: "Bizni 3 ta jiddiy uchrashuv kutib turibdi"

- Uchrashuvning (Nasaf klubiga qarshi) ilk daqiqalarida hujumga o'tdik va gol kiritib olganimizdan so'ng bir oz hotirjamlikka berildik. SHuning evaziga gol o'tkazib yubordik. Lekin o'tkazib yuborilgan goldan keyin o'yinga to'liq kirishib keta oldik va yaxshi o'ynay boshladik. "Nasaf" ustidan chiroyli g'alabaga erishdik. "Nasaf" tarkibida ajoyib yoshlar jamlangan. Klub akademiyasi O'zbekistonda eng yaxshilardan biri. Akademiyadan chiqayotgan bu yoshlar Superliga baxslarida yaxshi tajriba to'plashmoqda. Ro'ziqul Berdiev jamoasi qanday tarkibga ega bo'lmasin, har doim kuchli o'yin ko'rsata oladi. Etakchi o'yinchilar jamoani tark etganiga qaramay, maydonda har bir qarich joy uchun kurash olib bormoqda.

Superliga o'zining qiziq pallasiga kirib bormoqda, barcha muxlislarni hali qiziq uchrashuvlar kutib turibdi, shu jumladan bizning oldimizda ham 3 ta jiddiy o'yin bor. "So'g'diyona", "Bunyodkor" va "Paxtakor" klublari bilan uchrashuvlarda o'zimizning kuchimizni har taraflama namoyish etishga harakat qilamiz - dedi futbolchi klub matbuot xizmatiga.