SHuhrat Maqsudov: "Neftchi" - "Paxtakor" bahsini ko'rish uchun Farg'onaga boraman

Milliy terma jamoamiz murabbiylar shtabida faoliyat yuritib kelayotgan SHuhrat Maqsudov ilgari bu jamoalarning bellashuvlarida ishtirok etganini inobatga olib, u kishi bilan ham bog'landik.

"Neftchi" - "Paxtakor" bahsi haqiqatdan ham juda qiziqarli ruhda o'tadi deb o'ylayman. Turning markaziy o'yinlaridan biri. Bu uchrashuvni bevosita stadionda ko'rish uchun bugun tushda Farg'ona tomon safarga chiqaman", - deydi Maqsudov.

Har ikkala jamoa tarkibida ham milliy terma jamoaga nomzod o'yinchilar bor. Ularning bugungi xolati bilan yaqindan tanishish uchun ham bu uchrashuvga borishni maqul deb topdim.

"Neftchi" oxirgi ikki turda muvaffaqiyatsizlikka uchradi. Qolaversa farg'onaliklar bugun o'z muxlislari qarshisida o'ynaydi. Albatta istaysizmi yo'qmi bosim bo'ladi. "Paxtakor" esa tan olish kerak, tajriba borasida yuqoriroq. O'ylaymanki bugun muxlislar juda chiroyli hujumkor bahsga guvoh bo'ladi.

Umuman olganda chempionatimizda kutilmagan natijalar tez-tez uchrab turibdi. SHuning uchun ham biror-bir uchrashuvdan oldin natijani tahmin qilib bo'lmaydi.

Islombek Rustambekov yozib oldi.