SHohruh Ishanov: "Maydonda biz emas, hakamlar qaror chiqaradi"

- O'yin haqida

- "Aral" jamoasini va muxlislarini g'alaba bilan tabriklayman. Biz bir-birimizni bilgan jamoalar edik. Biz o'zaro ilk bora to'qnash kelmadik, balki to'rtinchi o'yinimiz hisoblanadi. Uchrashuvga tayyorgarlik ko'rgandik. 

- Qoraqalpog'istonga etib kelish qiyin bo'lmadimi?

- Yo'q, rahbariyat tomonidan bu borada engillik yaratildi va biz samolyotda uchib keldik. Endi samolyotda qaytib ketamiz. Og'ir yo'l bosmadik. 

- Hakamlar to'g'risida nima deya olasiz?

- Ular haqda hech narsa deya olmayman. Maydonda biz emas, hakamlar qaror chiqaradi. 

- Birinchi bo'limdan so'ng vaqt cho'zish holati uchradi...

- Bu hamma jamoada uchraydi, degan fikrdaman. Albatta, raqib jamoa hisobda oldinga chiqib olgach, shu holat boshlandi. Biz o'zimizda kuch topib, hisobni tenglashtirdik. Biroq yakunga kam vaqt qolganda, hakam darvozamiz tomon penalti belgiladi va raqib jamoa buni aniq amalga oshirdi. Umuman olganda, o'yin yaxshi ruhda o'tdi. Endilikda kelgusi uchrashuvga tayyorgarlik ko'ramiz. 

- Maydon holati haqida...

- Maydon holati yaxshi, bunday maydonda o'ynaganmiz. SHu bois, etirozim yo'q.