SHkvirin - mart oyining eng yaxshi murabbiyi, Vahobov - eng yaxshi futbolchi

"Qizilqum" klubi hujumchisi Bahriddin Vahobov esa mart oyida futbolchilar orasida eng yaxshi deb topildi.

Eslatib o'tamiz, har yili ananaviy tarzda o'tkaziladigan oyning eng yaxshilarini aniqlash jarayoniga ushbu mavsumdan boshlab o'zgartirish kiritildi. Unga ko'ra, 2015 yilgi mavsumdan boshlab, ushbu sovrin “Championat.asia” va O'zPFL mukofoti" deb ataladi.

Jami 17ta OAV tashkiloti ishtirok etgan mart oyi so'rovnomasida mutaxassislar tomonidan besh nafardan nomzod tanlab olindi. Unga ko'ra, safarda “Paxtakor”dan qimmatli ochkolarni olib, o'z maydonida “Nasaf”ni mag'lubiyatga uchrata olgan “Olmaliq” bosh murabbiyi Igor SHkvirin 89 ochko bilan oyning eng yaxshi murabbiyi bo'ldi. Dastlabki ikki tur natijalariga ko'ra, 6 ochko jamg'argan Aleksandr Xomyakov 29 ochko tafovut bilan ikkinchi bo'ldi. Uchinchi o'rin “Lokomotiv” va “Navbahor”dan bittadan ochko olgan “Metallurg” ustozi Rustam Mirsodiqovga nasib etdi. Kuchli beshlikni Sergey Lushan va Muxtor Qurbonov yakunlab berdilar.

“CA” va O'zPFL sovrini g'olibi bo'lgan murabbiyning mart oyidagi natijalari:

O'rin	Murabbiy	Klub	I	II	III	IV	V	Jami
1	Igor SHkvirin	“Olmaliq” (Olmaliq)	17	1	-	-	-	89
2	Aleksandr Xomyakov	“Mashal” (Muborak)	1	9	5	1	2	60
3	Rustam Mirsodiqov	“Metallurg” (Bekobod)	-	3	5	3	7	40
4	Muxtor Qurbonov	“SHo'rtan” (G'uzor)	-	2	5	8	3	42
5	Sergey Lushan	“Bunyodkor” (Toshkent)	-	3	3	6	6	39

Xuddi shunday, 5 nafar futbolchilardan iborat bo'lgan nomzodlar ichida “Qizilqum” hujumchisi Bahriddin Vahobov ilk turdagi xet-trigi tufayli birinchi o'rinni qo'lga kiritdi. Ketma-ket ikki turda bittadan gol urib, “Mashal”ning g'alabasiga munosib ulush qo'shgan rossiyalik legioner Vladislav Ivanov ikkinchi bo'ldi. “Paxtakor” va “Nasaf”ga qarshi kechgan o'yinlarda bittadan golli pas bergan SHavkat Salomov uchlikni yakunlab berdi. Mart oyida bo'lib o'tgan ikki o'yinda o'z darvozasi daxlsizligini saqlay olgan Botir Nosirov to'rtinchi o'rinni qo'lga kiritdi. Jadvalning so'nggi pog'onasidan “Metallurg” himoyachisi Dilmurod Karimov o'rin oldi.

“CA” va O'zPFL sovrini g'olibi bo'lgan futbolchining mart oyidagi natijalari:

O'rin	Futbolchi	Klub	I	II	III	IV	V	Jami
1	Bahriddin Vahobov	“Qizilqum” (Navoiy)	9	4	5	-	-	76
2	Vladislav Ivanov	“Mashal” (Muborak)	3	6	4	4	1	60
3	SHavkat Salomov	“Olmaliq” (Olmaliq)	5	1	4	5	3	54
4	Botir Nosirov	“Mashal” (Muborak)	1	6	2	7	1	50
5	Dilmurod Karimov	“Metallurg” (Bekobod)	-	1	3	2	12	29

Kim kimga ovoz berdi. To'liq ro'yxat bilan tanishing.