SHin Tae Yong: "Pley-off haqida o'ylamayapmiz"

Unga futbolchi Son Xen Min hamrohlik qildi.

- Toshkentga kelgach jamoa o'zini qanday his qilmoqda?

SHin Tae Yong: - O'FFga rahmat aytamiz. O'zimizni yaxshi his qilayapmiz. Koreys oshxonasiga ham gap bo'lishi mumkin emas. Kunduzi issiq, kechqurun esa ajoyib havo hukmron bo'lmoqda.

- Jamoadagi muhit qanday?

Son Xen Min: - O'zbek jamoalariga qarshi bir necha marta o'ynaganman. Ularga qarshi o'ynash tajribasi bor.

- Xitoy bilan o'yinda O'zbekistonga nima etishmadi deb o'ylaysiz?

- Ushbu savolga javob bersam raqib bosh murrabbiyiga nisbatan hurmatsizlik bo'ladi.

- Agar ertaga O'zbekiston g'alaba qozonsa Koreya pley-offda o'ynashi mumkin. Bunga tayyormisizlar?

- Bu haqda umuman o'ylamayapman. Maqsadimiz faqat g'alaba qozonish. Hozircha raqibdan ko'ra ko'proq ochkoga egamiz. Demak ustunlik biz tomonda.

Son Xen Min: - Ertaga bosh murabbiy meni maydonga tushiradimi yoki yo'qmi bilmayman. Eng muhimi jamoamizning g'alabasi bo'ladi.

SHin Tae Yong: - Eron bilan o'yinda yaxshi imkoniyatga ega edik. Afsuski o'shanda yuta olmadik. Endi ertaga yutishimiz talab etiladi. Babayan bilan yaxshi tanishmiz. Uni va O'zbekiston terma jamoasini hurmat qilaman.

Siz O'zbekiston bilan bir necha marta o'yinlarda maydonga tushgansiz. Ulardan qaysi biri siz uchun eng qiyini bo'lgandi?

Son Xen Min - Bitta o'yinni alohida ko'rsata olmayman. Doim bu jamoaga qarshi og'ir o'yinlar bo'lgan. Menimcha ertaga ham shunday bo'ladi.

- Siz ertaga yutishni istayman dedingiz. Ammo bu bosqichda hali jamoangiz safarda yutmadi. Nimaga ishonib bunday deyapsiz?

- Yutish uchun men keldim (kuladi).

Narzulla Saydullaev