SHelvi "Manchester Siti"ga 88-daqiqada urgan goli haqida: "Balki, hozir "Liverpul" uchun qahramonman..."

SHelvi uchrashuvning 88-daqiqasida gol urib, "shaharliklar"dan muhim ikki ochkoni tortib olishga sababchi bo'ldi. U oldin (2010-2013-yillar) "Liverpul" sharafini himoya qilgan. 

"Biz shu 1 ochkoni haqli ravishda qo'lga kiritdik. Raqib to'pni o'zida yaxshi ushlab turdi, lekin biz durangga munosib o'ynadik. "Aston Villa"ga uchralgan mag'lubiyatdan keyin tiklanib olishimiz kerak edi va biz harakter va ko'tarinki ruhni ko'rsatdik.

Balki, hozir "Liverpul" uchun qahramonman, biroq agar jiddiy gapiradigan bo'lsam, biz imkon qadar ko'proq ochko jamg'arib, musobaqa jadvalida yuqorilashni davom ettirishimiz kerak edi", – deydi SHelvi.

"Manchester Siti" 29 ochko to'plagan holda APLda ikkinchi o'rinda bormoqda — uning asosiy raqobatchisi "Liverpul"dan 8 ochko orqada. "Brayton"ga qarshi o'yindan so'ng, Yurgen Klopp jamoasi oradagi farqni 11 ochkoga oshirib olishi ham mumkin.