Shavkat Yusupov: "Peshqadamdan ochko olish biz uchun g'alabadek bo'ldi"

- Mehmonda peshqadam "Lokomotiv"dek kabi jamoadan ochko olish katta yutuq. Bugun yutishimiz ham yutqazishimiz ham mumkin edi. Jangovar durang bo'ldi. O'yin yakunigacha ikkala jamoada ham yaxshi vaziyatlar bo'lgandi.

- Bugungi o'yinda jamoangiz g'alaba uchun o'ynagandek ko'rindi. O'yindan oldin jamoaga qanday gaplar aytgandingiz?

- Uyda yoki safarda o'ynashimizdan qatiy nazar yigitlarga mashg'ulotlarda faqatgina g'alaba uchun o'ynashini tayinlayapmiz. Kiyim almashtirish xonasida ham shu uchun borlarini berishlarini talab qilyapmiz. Bugungi o'yinda ham futbolchilar borlarini berishdi. Ikkinchi goldan keyin gol urib, xarakter ko'rsatishdi. Yigitlardan ko'nglimiz to'q, ular har bir to'p uchun kurashishdi. Ularga katta rahmat deymiz.

- So'nggi turlardagi sermahsullikning sababi nimada? Jamoa "Olimpik Mobiuz"ni mag'lub etdi, "Lokomotiv"dan ochko oldi.

- Bir qancha o'zgarishlar qildik. Shu o'zgarishlardan keyin ham ishlar o'xshamayotgandek tuyuldi. Vaziyatlar bo'layotgandi, biroq gol ura olmayotgandik. Bu borada ko'p ishladik. So'nggi to'rt o'yinning barchasida gol uryapmiz. Gollardan keyin yigitlarda ishonch ham oshyapti. Har bir o'yinga tayyorlanayotganimizda ulardagi ishtiyoqni ko'ryapmiz. Ular xohlashmoqda va mana shunday natijalar bo'lmoqda.

- Bugungi durang Sizni qoniqtirdimi?

- Oldinroq aytganimdek bugun yutishimiz ham yutqazishimiz ham mumkin edi. Durang yomon natija emas. Peshqadamdan ochko olish biz uchun g'alabadek bo'ldi. Lekin g'alaba qozonganimizda yaxshi bo'lardi.