"Sevilya" Depayni ko'ndirmoqchi

Klub niderlandiyalik futbolchini yanvar oyidayoq o'z tarkibiga qo'shib olmoqchi. “Sevilya” “Barsa” forvardini jamoa hujumiga jon kiritadigan munosib nomzod, deb bilmoqda. CHunki jamoa quyi ligalarga tushirib yuboradigan so'nggi pog'onalardan chiqib ketmoqchi. Jamoa La Liganing so'nggi uchligidan o'rin olgan va ortda qolgan 14 turda atigi 13 ta gol urdi.

Hozirda Niderlandiya termasi safida bor etiborini Jahon CHempionatiga qaratayotgan Depay “ko'k-anorranglilar” tarkibida Robert Levandovski, Usman Dembele, Ansu Fati, Rafinya va Ferran Torreslar orasida 5-tanlov hujumchisi bo'lib qolmoqda.

Sobiq “Lion” va “Manchester Yunayted” futbolchisining Kataloniya klubi bilan shartnomasi ushbu mavsum so'nggida tugaydi. “Sevilya” amaldagi jamoasi futbolchini moliyaviy muammolar paytida tekinga qo'yib yuborishiga umid qilmoqda.