Sergeev gol urdi, faqat Kubokda

18 aprel kuni “Paxtakor” markaziy stadionida bo'lib o'tgan birinchi liga vakili “Xorazm” bilan kechgan bahsda Sergeev 52-daqiqada Timur Hakimov o'rniga tushib, 63-daqiqada to'p kiritdi. SHu tariqa u joriy mavsumdagi gollari hisobini ochib oldi.

Ammo “Paxtakor”ning umidli futbolchilaridan biri sifatida etirof etilayotgan Sergeev bu yil hisobidan oliy ligada birortayam to'p kiritgani yo'q. Vaholanki, ortda qolgan beshta turning hammasida maydonga tushdi.

1-tur. “Andijon” - “Paxtakor” - 0:1
Sergeev asosiy tarkibda tushib 87 daqiqa to'p surdi.

2-tur. “Neftchi” - “Paxtakor” - 1:2
Sergeev asosiy tarkibda tushib 90 daqiqa harakat qildi.

3-tur. “Paxtakor” - “Qizilqum” - 1:0
Sergeev asosiy tarkibda tushib 90 daqiqa o'ynadi.

4-tur. “Mashal” - “Paxtakor” - 0:1
Sergeev asosiy tarkibda tushib 85 daqiqa to'p tepdi.

5-tur. “Paxtakor” - “Olmaliq” - 1:0
Sergeev zaxiradan tushib 45 daqiqa to'p tepdi.

Etibor bergan bo'lsangiz, Igor Sergeev beshta o'yindan to'rttasida asosiy tarkibda tushgan va 80 daqiqadan ko'p to'p tepgan. Keyin esa Samvel Babayanning hujumchi gol ura olmayotganidan jahli chiqib, “Olmaliq” bilan kechgan bellashuvda uni zaxirada qoldirgan bo'lishi mumkin. Katta ehtimol bilan shunday bo'lgan. CHunki Sergeev “Xorazm” bilan kechgan o'yinda ham zaxirada qoldirildi va ikkinchi bo'limda maydonga tushirildi.

Nima bo'lgan taqdirda ham, u to'p kiritishning uddasidan chiqdi. Lekin muxlislar Sergeevdan avvalo oliy ligada gol urishini kutishadi. SHunday qilsagina hujumchi kelasi oy bo'lib o'tadigan ikkita o'rtoqlik uchrashuvi uchun milliy terma jamoamizdan taklif olishi mumkin. (Eslatib o'tamiz, Igor Sergeev MTJ safida shu paytgacha 5ta o'yinda ishtirok etib, uchta gol urgan: Vetnam, Gonkong va BAAga bittadan. Oliy ligada esa o'tgan yil 20ta bellashuvda atigi 5ta to'p kiritgan).

Xayrulla Xoliqov.