So’nggi yangiliklar

17:04Томас Тухель Андорра ва Сенегалга қарши ўйинлар учун Англия терма жамоасига чақирилган 26 нафар футболчи номини айтди. Улар орасида Тоуни ҳам бор  1 16:37Роналду Модричга мурожаат қилди: "Реал"да кўп лаҳзаларни сен билан баҳам кўриш мен учун шараф бўлган"  3 16:16Ўзбекистон кубоги. Бугун 1/8 финалга қуръа ташланади  0 16:05Перес: "Модрич "Реал" мухлислари қалбида мангу сақланиб қолади"  1 15:42Қаршида қолган қасам: Қосимовнинг "Насаф"га қарши қора статистикаси  7 15:39Халқаро тақвим. Июнда бизни нималар кутмоқда?  0 15:14"Бетис" Конференциялар Лигаси финалидан олдин ҳазил тариқасида логотипини ўзгартирди  0 14:49Сергей Чигодаев: "CAFA турнирида барча футболчиларга имконият беришга ҳаракат қиламиз"  2 14:29Расман: "Реал" Анчелотти кетаётганини эълон қилди  18 14:17Ўзбекистонлик ҳакам аёллар футболи бўйича ОЧЛ финалида ишлайди  0 13:59Саудия Арабистони клуби Осимхен билан музокаралар олиб бормоқда  1 13:32"Интер" МЮ ҳужумчисини харид қилмоқчи  2 13:03"Манчестер Юнайтед"нинг ёзги трансфер бюджети қисқартирилди  8 12:36Рафинья: "Умид қиламанки, мухлисларни хурсанд қилишда давом этаман"  15 12:08Артета "Арсенал"нинг амбициялари ҳақида гапирди  1

Serbiya, Ispaniya, Ruminiya. Tanishing - Superligada ishlaydigan xorijlik murabbiylar Yangiliklar

Serbiya, Ispaniya, Ruminiya. Tanishing - Superligada ishlaydigan xorijlik murabbiylar

Ayni pallada Superliganing barcha klublari yangi mavsumga ishlab chiqqan reja asosida tayyorgarlik ko'rishmoqda.

Fikrimizcha, klublarning rahbarlari bu mavsumda jamoada kim bosh murabbiy bo'lishi bo'yicha yakuniy qarorga kelib bo'lishdi. Ular orasida bizga tanish va notanish bo'lgan xorijlik mutaxassislar haqida malumot berishni lozim topdik. Qiziq bu yil xorijlik murabbiylar raqobati qanday kecharkin?

Slavche Voyneski (SHimoliy Makedoniya, "Paxtakor") - Toshkentning "Paxtakor" jamoasi 2022 yilda niderlandiyalik Piter Xyuistra bilan hamkorlikni davom ettirishi kutilgandi. Ammo kutilmaganda klub ushbu mutaxassis bilan birga ishlamaydigan bo'ldi va o'rniga SHimoliy Makedoniyadan yangi murabbiy topdi - Slavche Voyneski. Mazkur murabbiy o'z mamlakatining  turli toifadagi yoshlar terma jamoalarida uzoq muddatli faoliyati orqali tanilgan. 1999-2004 yillar oralig'ida o'smirlar va yoshlar terma jamoalarida ishlagan. 2004-09 yillarda esa milliy terma jamoada yordamchi murabbiy sifatida mehnat qilgan. Asosan Srechko Katanec va Drago Kanatlarovskiga yordam bergan. Keyingi faoliyatini Turkiya bilan bog'lagan Voyneski "Elazigspor", "Genchlerbirligi", "Gaziantepspor" va "Rizespor" klublari murabbiylar shtabida faoliyat olib bordi. 2019 yil Slovakiyaning "Sered" klubida bosh murabbiy sifatida ishlagan. Bugunga kelib "Paxtakor"ning yoshlarga ko'proq ishonch bildirishidan kelib chiqsak qaysidir manoda Voyneski nomzodi to'g'ri tanlandi. Lekin futbolda natija yodda qoladi, uning fonida boshqa narsalar yo'qqa chiqadi. U qanchalik natija ko'rsata oladi? Buni mavsum davomida bilib olamiz. 



Nikola Lazarevich (Serbiya, "Qizilqum") - Bir necha yillardan beri "Qizilqum"da bosh murabbiy sifatida faoliyat ko'rsatib kelgan Hamidjon Aktamov endilikda klub bosh direktori lavozimida mehnat qilishda davom etadi. Murabbiylik postiga esa tajribali serbiyalik murabbiy Nikola Lazarevich jalb qilindi. UEFA Pro licenziyasiga ega mutaxassis bunga qadar Tojikistonda ko'p yillar davomida terma jamoa va klublarda ishladi. Uning so'nggi ish joyi Saudiya Arabistoning "Al Tavun" klubi bo'ldi. 



Luisma Ernandes (Ispaniya, "Metallurg") - O'tgan mavsum 3ta tur qolganda bekobodliklar murabbiyiga aylangan ispaniyalik Luisma Ernandes kerakli ochkolarni to'plab jamoani Superligada olib qolishni uddasidan chiqdi. Bundan qoniqish hosil qilgan "Metallurg" mutasaddilari 2022 yilda ham unga ishonch bildirishni lozim topdi. Luisma Ernandes yurtimizga kelishidan avval Janubiy Koreyaning "Tegu", Quvaytning "Al Yarmuk" klublarida faoliyat olib borgan. Hozirda "Metallurg"ni yangi mavsumga uning o'zi tayyorlamoqda. 



Xordi Fabregat (Ispaniya, "Surxon") - 2021 yilgi mavsumning so'nggi pallasiga kelib elitada qolish masalasini ijobiy hal qilgan termizliklar yangi mavsumga katta o'zgarishlar bilan hozirlikni boshladi. "Surxon"ni bu yil ispaniyalik murabbiy Xordi Fabregat boshqaradi. Fabregat bunga qadar "Tortosa", "Mar Menor", "Portuense", "Amposta", "Arandina" va so'nggi bor "Ordino" klubida  ishlagan. Aynan "Ordino" uning oxirgi klubi hisoblanadi. 



Predrag Rogan (Serbiya, "Dinamo") - Samarqandning "Dinamo" jamoasi tojikistonlik murabbiy Hakim Fuzaylov boshchiligida Superligaga yo'llanmani qo'lga kiritdi. Klub Hakim Qayumovichga minnatdorchilik bildirib jamoaga serbiyadan ikki nafar murabbiyni taklif qildi. Predra Rogan va Ivan Yevich birgalikda "Dinamo"ni Superligada boshqarishadi. Bevosita muxlislar uchun notanish bo'lgan Predrag Rogan haqida to'xtalsak. "Vojdovac", "Napredak", "Spartak Subotica", "Bachka-Topola", "Zemun", "Machva" (Serbiya), "Uypesht" (Vengriya) kabi jamoalarda bosh murabbiylik qilgan. Lazarevich singari Rogan ham UEFA Pro licenziyasi egasi sanaladi. Ishlagan jamoalarida 4-1-4-1 taktik sxemalaridan foydalangan. 


Yuqorida faqat bosh murabbiylar borasida fikrlar yuritildi. Ulardan tashqari ruminiyalik Augustin CHirica "Bunyodkor"da SHuhrat Maqsudovga, serbiyalik Aleksandr Stoymirovich "Navbahor"da Samvel Babayanga jismoniy tayyorgarlik bo'yicha ko'maklashishadi.

Reyting: +8   

Fikrlar

championat.asia
< so’nggi yangiliklarni ko’rish
Яндекс.Метрика